साहित्यपोस्ट
नेपाली भाषा र साहित्यको सम्पूर्ण पत्रिका
Sahityapost Book

अँध्यारोभित्र

Chovar Blues Mobile Size

 

यसै पनि
उकालीहरू बढ्ता भएको
थकाइले सुस्केरा हाल्ने मेरो यात्रामा
अचानक घोप्टिएको अँध्यारोले
दुख्ने गरि चिमोटिरहेको छ ।

औंशीको रातमा पनि नाच्थें
किनकि निश्चिन्त थिएँ म
अबको पालो दिनको हुनेछस्
कालो बादलसङ्गै खित्किन्थेँ म
किनकि आशा थियो त्यहाँ
छिट्टै अब हरियालीले कुम छुनेछ ।

तर आज कता कता
बद्लिएको मेरो झंकार सुनेर
नसोध्नू शंका मिसिएको लवजमा
किनकि अँध्यरोको पर्दा पछाडि
व्यक्त पीडाहरूका स्वरभन्दा ठूला
नदेखिने घाउहरू हुन्छन्
शत्रुले छुनसम्म नसकेको छातीमुनी
आफ्नाले बनाएका सयौं घाउका माम्री हुन्छन् ।

 

प्रतिक्रिया
Loading...