साहित्यपोस्ट
नेपाली भाषा र साहित्यको सम्पूर्ण पत्रिका

मातृभूमिकाे माया

कविता

Chovar Blues Mobile Size

संसारकै सबै भन्दा
सुन्दर मेराे देश ।
आज म,
सगरमाथा जस्तै अकासिएकी छु ।
हिमाल, पहाड र तराईमा रमाउँदै,
लिम्पियाधुरा संगै,
लिपुलेक र कालापानी लाई
मन भित्र सजाएकी छु ।

मेरा हरेक नशा नशामा,
महाकाली र गण्डकी बगाएकी छु ।
डाँफे र मुनाल संग मैले,
गाढा प्रीत लगाएकी छु ।

म त आफ्नै पाखा पखेरिकाे,
काफल र ऐसेलु खाँदै,
दाेहोरी र असारे गीत गुन्गुनाउँदै,
नाचिरहेकी छु ।

भेल बगाएर पसिनाकाे,
तराईमा धानका बाला झुलाएकी छु ।
प्राण भन्दा प्याराे छ,
मलाई मेराे देश ।
यहाँ मैले,
मनभरि गुँरास फुलाएकी छु ।
हरेक दु:ख सुखलाई ,
त्यसै सँग भुलाएकी छु ।

प्रतिक्रिया
Loading...