साहित्यपोस्ट
नेपाली भाषा र साहित्यको सम्पूर्ण पत्रिका
sp machapuchara cash back ads

कविताः भित्ताहरुमा

 

ratna book ads

भित्ताहरूमा समेटिएका छन्,
मेरा बाल्यकालहरू
चार कुने फ्रेमहरूभित्र ,
मेरै एकान्तताको कथा भनिरहेको छ,
ज्याकसन पोलोकले बनाएको एब्सट्रयाक चित्र ,
र यही भित्ताहरूमा ठोकिएर
मेरो कानसम्म पुगिरहेको छ
नारायणगोपालको सुमधुर पिडाहरू;
हो त पीडाहरू पनि मिठा हुन्छन् !

सम्बन्धित पोस्टहरु

मेरो जिन्दगीको ,
बाटोहरू,
मोडहरू
र खण्ड-खण्ड यात्राहरू
कैद छन् यी भित्ताहरूमा
जस्तै मेरो मनमा कैद छन्
जिन्दगीका ,
पानाहरू,
शब्दहरू
र दोहोरीरहेका पुर्णविरामहरू !

र कट-कट गरेर
एकोहोरो आफ्नै तालमा फन्को मारिरहेको
पुरानो पङ्खा जसले सम्झाँउछ –
महिनाको पहिलो दिन – घरबेटीको अनुहार !
यस्तै यस्तै त कथा छ यो सहरमा सबैको !

प्रतिक्रिया
Loading...