प्रल्हाद ढकाल
जमेको घर, जमेको बस्ति, जमेकै छ रीति
जमेको शान्ति, जमेको क्रान्ति, जमेकै राजनीति ।
जमेको अफिस, जमेको कागज, जमेकै कलम
जमेको सिपाही, जमेकै पीउन, जमेको हाकिम ।
जमेको मास्टर, जमेको स्कुल, जमेकै विद्यार्थी
जमेको शिक्षा, जमेको स्वास्थ्य, जमेकै समृध्दि ।
जमेको भाखा, जमेको गीत, जमेकै छ ताल
जमेको डाँडा, जमेको पाखा, जमेकै हिमाल ।
जमेको जाँगर, जमेको बारी, जमेकै छ बाली
जमेको चाला, जमेको नेप्का, जमेकै कर्णाली ।
