Chovar Blues Mobile Size

मनिराम कडेल

 

मणिराम कडेल

मेरो झुपडी होइन खरले छाएको दरबार हो
चिना होइन मन मिलेर बसेको घरबार हो

कस्ले दियोस् मलाई प्रेमको स्पष्ट परिभाषा
सुन्छु अचेल पैसा नै अथाह प्रेमको भण्डार हो

मार्नका निम्ति बन्दुक नै कहाँ चाहिन्छ र! प्रिया
तिमी बोल्यौ बस् त्यही नै धारिलो तरबार हो

बिके कलमहरू अलिकति सोमरस पिलाएपछि
अहो ! सत्य, सत्य जहाँ छुपाइन्छ त्यही अखबार हो।

बागलुङ