साहित्यपोस्ट
नेपाली भाषा र साहित्यको सम्पूर्ण पत्रिका
sp machapuchara cash back ads

कविता- सम्झना

सन्तोष राज भट्ट

एक्लो रहेको म,
फेरि एक्लो हुने भए ।
तर म याद गरिराख्नेछु ,
वाह ! क्या रमाइला दिन तिमीसँगका ।
अन्जान सहरमा,
दुई अन्जान,
र दुई अन्जानबिच भएको चिनजान ।
वाह ! क्या रमाइला दिन तिमीसँगका ।
दुई कप चिया,
दुई पिस समोसा,
अनि एक विषय कुराकानी ।
वाह ! क्या रमाइला दिन तिमीसँगका ।
मनका सपना,
अनि दिमागका निर्णय,
कस्ता-कस्ता बाध्यता तर
वाह ! क्या रमाइला दिन तिमीसँगका ।
छोटो समयको यो लामो सम्बन्ध,
छोटो जीवनको लामो भोगाइ,
आखिर छुट्टियौँ हामी,
वाह ! क्या रमाइला दिन तिमीसँगका ।

सम्बन्धित पोस्टहरु

कविता : व्यापार

कविता- यादहरुको युद्ध

कविता- मामाघर

महेन्द्रनगर , कञ्चनपुर 

प्रतिक्रिया
Loading...