साहित्यपोस्ट
नेपाली भाषा र साहित्यको सम्पूर्ण पत्रिका

नग्नता

कविता

Chovar Blues Mobile Size

सेतो नम्बर प्लेटको
रातो अङ्कको घर
त्यस भित्र गुम्सिएर बसेको दुर्गन्धित
त्यो कालो मन
अचेल टाढासम्म बसाउँछ,

प्लेटका नम्बरहरू
जति चाँडो फेरिन्छन्
लुटको साम्राज्य छाउँछ
विवेकहीन
विवेक शून्य
काला मन र मष्तिस्कहरू
चाँडोचाँडो समयलाई समात्न दौडन्छन्,

क्रूर समय
परिवर्तन चाहँदैनन्
लामो र कालो साम्राज्यमा नै रमाउँछन्
यो नियति या समयको अनजानपन
राता अक्षरहरू निदाएका छन्
घनघोर अन्धकारभित्र
पारपाचुके अघिको अभिनय
उनीहरूको विवशता भएको छ,

यो अनमेल विवाहको अन्त्यको संघारमा
सेता प्लेटहरू आज राता परेवाका बथानमा
नाटक रच्दैछन्
स्वाङ् बाँडदैछन्
इतिहासको भष्मिभूत
खण्डहर कथा बोकेर
नीलो, राता र काला अनुहारहरूका प्लेटहरू
निर्लज्ज, पारदर्शी वस्त्रले ढाकिएर
बादशाहका अभिनय गर्दैैछन्
विचरा आफ्नो धरातल थाहा छ
तर बोल्न सक्दैनन्
नग्नतामाथि हत्केला राखे पनि
न त कालो मन छोपिन्छ
न त छ्याङ्ग देखिएको नग्नता
आफ्नै आत्मालाई ढाँटेर
लुगा लाएको छु भन्नैपर्छ,

सत्य सबैलाई छोपेर
अभिनय त गर्नैपर्छ ।

sagarmani mobile size
प्रतिक्रिया
Loading...