साहित्यपोस्ट
नेपाली भाषा र साहित्यको सम्पूर्ण पत्रिका

पर्खी हेरौँ केही साता

कविता

Chovar Blues Mobile Size


के देश के विदेश देखेकै छौ संसार सारा
कोरोनाकै छ विशेष तपाईं-हाम्रो के कुरा

कोरोनाको हानिबारे जानकार छौं हामी
हात धुने, मास्क लाउने बसालौं है बानी

कति मरी मेट्नु मरिलानु के नै छ र
कति हतारिनु साँची राख्नु के नै छ र

डराउनु हुन्न हामी सजग भए हुन्छ
बाहिर जान छाडिदिई घरै बसे पुग्छ

भोकैले त्यसै मरिदैन बाँडीचुँडी खानुपर्छ
लोभको भाँडो भरिँदैन महामारी टार्नुपर्छ

भौतिक दुरी बढे भावनाको दुरी घटाऔं
अल्छी गरी सुत्नु भन्दा सिर्जना गर्न लागौं

sagarmani mobile size

विदेशबाट आए क्वारेन्टाइनमा बस
देशभित्र भए आ-आफ्नै घरभित्र पस

तिमीलाई त लाग्दो हो मर्न चाहिं मरिन्न
पशुपतिनाथ साथमा छ संकटमा परिन्न

हाम्रो यो अन्धो सोचाई नमिलेमा के हुन्छ
धेरै ख्यालठट्टा गर्दा ज्यानै पो जान सक्छ

थोरै पाउने लोभमा सबै गुमाए के हुन्छ
तिम्रो हाम्रो टोलमा मसान घुमे के हुन्छ

बिन्ति छ सबैलाई नबनौं है पटमूर्ख
केही साता पर्खी हेरे हुन्न अब दुःख ।

प्रतिक्रिया
Loading...