साहित्यपोस्ट
नेपाली भाषा र साहित्यको सम्पूर्ण पत्रिका

नेपालभाषा अनुवाद शृङ्खला ११

कवि परिचय

ध्रुव मधिकर्मी नेपाली साहित्यमा परिचय दिनुपर्ने नाम होइन । नेपालभाषामा उहाँको एउटा कथा सङ्ग्रह र एउटा कविता सङ्ग्रह प्रकाशित छन् । उहाँको कथा सङ्ग्रहलाई ने. सं. ११०९ मा श्रेष्ठ सिरपाः पुरस्कार प्रदान गरिएको थियो । उहाँ नेपालभाषा परिषदका सचिव हुनुको साथै नेपाल प्रज्ञा प्रतिष्ठानका सदस्य पनि हुनुहुन्छ ।

छोट्टिँदै गएका पाइलाहरू

ध्रुव मधिकर्मी

आफ्नै गोडाले टेक्दै टेक्दै
दौडिरहेको छ समय
पछि-पछि मानिसहरू
घडी हेर्दै हेर्दै
गफिँदै छन् ।

प्वाल परेको खल्तीमा
समयलाई कोचेर
हात बाँधेर
घाम ताप्दै
कोही बरफ चुस्दै छन् ।

घरमा चुल्हो बालेर
हतारिँदै आएका ग्राहकहरूलाई
पर्खाउँदै
निदाउँदै छन् पसलेहरू ।

पखेटा काटिएका चराहरूले
छोपिएको छ आकाश
पल्टाउँदै छन्
बाँदरहरूले देशको नक्सा ।

छोटिँदै गएका पाइला
गन्दै गन्दै
ठड्याउन खोज्दै छ
सूचीपत्रको धरहरा ।

कुल्चिँदै चेतनालाई
खोप्दै आकारहरू
किसिम किसिमका मालसामानहरूका
ट्रेडमार्क छाप हेर्दै मानिसहरू
कोठा सजाउन
कुनचाहिँ राम्रो होला भन्दै
रोज्दै छन् ।

श्रोतः नःलि साहित्यिक मासिक, ने.सं. ११३१ चिल्ला (फागुण २०६७)

मूल नेपालभाषामा

लेखक परिचय

कथा लेखनमा स्थापित नाउँ ध्रुव मधिकर्मी नेपालभाषामा पनि उत्तिकै कलम चलाउने स्रष्टा हुनुहुन्छ । नेपालभाषामा उहाँको एउटा कथा सङ्ग्रह र एउटा कविता सङ्ग्रह प्रकाशित छन् । उहाँको कथा सङ्ग्रहलाई ने. सं. ११०९ मा श्रेष्ठ सिरपाः पुरस्कार प्रदान गरिएको थियो । उहाँ नेपालभाषा परिषदका सचिव हुनुको साथै नेपाल प्रज्ञा प्रतिष्ठानका सदस्य पनि हुनुहुन्छ ।

प्रतिक्रिया
Loading...