साहित्यपोस्ट
नेपाली भाषा र साहित्यको सम्पूर्ण पत्रिका

कविता- त्यो मान्छे होइन

गणेश थाङपाल

त्यो मान्छे होइन
यकिना अगाध

मस्तिष्क चल्छ
तैपनि केही सोच्दैन ।

आँखा देख्छ
तैपनि दृष्य बुझ्दैन ।

मुख बोल्छ
तैपनि आवाज उठाउँदैन ।

हात चल्छ
तैपनि मुठी उज्याँउदैन ।

खुट्टा हिंड्छ
तैपनि गन्तव्य ठहऱ्याउँदैन ।

अरूकै गुलामीको लागि लम्पसार पर्छ
आफ्नो अधिकार बिर्सी पठाउँछ ।

त्यो मान्छे होइन
रोबोर्ट हो ।

जो मालिकले आफ्नो सेवाको लागि बनाएको हुन्छ
जो मालिकले आफ्नो रक्षाको लागि बनाएको हुन्छ
जो मालिकको आदेशले मात्र चलमलाउँछ ।

हामी रोबोर्टसँग जीवन खोजिरहेका छौँ
रोबोर्टसँग जीवन खोज्नु मुर्खता हो ।

प्रतिक्रिया
Loading...