दिपक घिमिरे

यो बास्नादार चोकबाट त्यो रङ्गिन गल्लीसम्म पुग्छु म
यो गन्हाउने चोकबाट त्यो रङ्गहीन गल्लीसम्म पुग्छु म
म धाइरहँदा त्यो गल्लीहरूमा
म पुगिरहँदा त्यो चोकहरूमा
बास्नादार चोकमा नाङ्गोपना झपक्क छ।
गन्हाउने चोकमा भोकोपना लपक्क छ ।
रङ्गीन गल्लीको बगैँचामा फुलेको फूलको रङ प्रत्येक दिन गुपचुपमै लुटिन्छन्
रङ्गहीन गल्लीको बगैँचामा फुलेको फूलको रङ उदाङ्गो भएर कुटिन्छन् ।
यी दुई गल्लीमा थुप्रै रहर क्वाटीझैँ टुसाउँछन्
केही रहरले मलिलो जमिन भेट्छन्
केही रहरले तातो आगाको राप भेट्छन्
पाक्छन् जरुर दुवै
केही फुलेर फलेर
केही अभाव अनि बाध्यतामा जलेर ।।
लेखकका अन्य सिर्जनाहरू पढ्न यहाँ क्लिक गर्नुहोस्...