तिम्रो महत्त्व बुझाउन

म कलम उठाऊँ

त खै के लेखूँ

ग्लोबल वार्मिङदेखि

ओजन होलको

कुरा गर्नेहरूलाई

म नयाँ के लेखेर देखाऊँ

यो महामारीमा

तिम्रो याद थुप्रैले गरे

तिम्रो महत्त्वबोध थुप्रैले गरे

आशिक छेत्री

तर खाएर पोलिथिन जतीयता फ्याँक्दा

तिमीलाई सधैँजस्तो  भुले

प्रदूषणको कुरा हाक्नेहरूले

आफ्नो घर- आँगनमात्रै सफा राख्नेहरूले

जतासुकै नाला, खोला, झाडीतिर

मैला घोप्टाएर गर्ने दैनिक पाप

५ जुनको दिन

#पर्यावरण बचाऔँ लेखेर

गङ्गा नुहाउन खोज्छन्

पर्यावरण विषय पाँच घण्टा

बोल्न सक्नेले

पाँचवटा भए पनि रूखको बिरुवा

रोपे त भइहाल्नेथ्यो

तर प्रकृति

तिम्रो पूजा यहाँ खुब हुन्छ

तिमीलाई देवतासरह पुज्छन्

यज्ञ गर्छन्, धूपदीप गर्छन्

अब सम्पूर्ण बुझेकाहरूलाई

के बुझाउनु

प्रकृति पूजा कसरी गर्ने

धूप बाली ?

होइन प्रदूषण  हुन्छ

बरु रूख रोपौँ

पर्यावरण स्वच्छ बन्छ !!