उनीहरू मेरा आँखाको,

मेरा ओठका,

मेरो वक्षस्थलको,

मेरो नितम्बको

मेरा केशका

मेरो आवाजको

मुक्तकण्ठले प्रशंसा गर्छन्

र पालै पिलो बलात्कार गर्छन्।

तिमी छौ र त यो सूर्य छ भन्छन्,

टीएन भट्ट ‘विश्वामित्र’

नदी, पहाड र रूख छन् भन्छन्,

चरा छन् गीत र सङ्गीत छ भन्छन्

आउँछन्

मलाई नङ्ग्याउछन्

नग्नतामा सुन्दरता देख्छन्

र पालै पिलो बलात्कार गर्छन्।

संसारकै राम्री हौ भन्छन्

तिमी हाम्री हौ भन्छन्

मादकताको उन्मादमा

खै के के बर्बराउँछन्

म बुझ्दिनँ,

कोही प्रजातन्त्र भन्छन्

कोही लोकतन्त्र भन्छन्,

र दाह्रा गाड्छन् मेरा निर्दोष वक्षस्थलमा,

मुसुक्क हास्दै ‘आइ लभ यू भन्छन्’

र पालै पिलो बलात्कार गर्छन्।

सडकमा उभिएर,

सदनमा उभिएर,

अदालतमा उभिएर,

बेकसरुर भएको दावी गर्छन्

तर फेरि पनि दिनमा आउँछन्

रातमा आउँछन्

बिहानी र साँझमा पनि आउँछन्

र पालै पिलो बलात्कार गर्छन्

श्रीमान्!

जसले मलाई जन्मायो

उसैबाट म बलात्कृत भएकी छु

यदि म गर्भवती भएँ भने,

जन्मने सन्तानको नाम के राख्नुहुन्छ?

फलेवास, पर्वत, हाल- भक्तपुर