साहित्यपोस्ट
नेपाली भाषा र साहित्यको सम्पूर्ण पत्रिका

कविता- सनकमा दनक

Chovar Blues Mobile Size
prahalad

मलाई लाग्छ
मजस्तो ज्ञानी गुनी
मजस्तो ऋषिमुनि
छैन कोही बिलक्ष्ण
तैपनि चुनाव अर्कै ले जित्छ
सबैले उसको झ्याली पिट्छन्
अनि,
सनक्क सनक चढ्छ मलाई
र अनि दनक्क दनक दिन्छु !!

मलाई लाग्छ
मैले जति पुस्तकहरू
तिनीहरूले के को पढेको हुनु !
मैले कम्ती विद्धान्का
नाम कण्ठ पऱ्या छु र
संस्कृत, हिन्दी र अङ्ग्रेजी
कम्ती झाऱ्या छु र
मजस्तो सागर हुँदा हुँदै
ऊ पो चर्चामा छ
अनि,
सनक्क सनक चढ्छ मलाई
र अनि दनक्क दनक दिन्छु !!

मलाई लाग्छ,
भ्रष्टाचारी अति खराब कुरो हो
किनकि उसले गऱ्यो
उसको ठाउँमा खासमा हुनुपर्ने म
म त्यहाँ नभएरै
दूधले धोएझैँ सफा चङ्गा छु
बाग्मतीको डिलमै हर हर गङ्गा छु
अनि,
सनक्क सनक चढ्छ मलाई
र अनि दनक्क दनक दिन्छु !!

साथीहरू कजायको छु
यसो उसो
लेखेको छापी दिन्छन्
बेलाबखत
अन्तरवार्ता लिन्छन्                                                                                                                                                टिभीमा पनि देखाइदिन्छन्                                                                                                                                            स्वयं मलाई
सनक्क सनक चढ्दा
दनक्क दनक दिन टेवा दिन्छन् !!!

prahalad
प्रतिक्रिया
Loading...