साहित्यपोस्ट
नेपाली भाषा र साहित्यको सम्पूर्ण पत्रिका

कविता- गाउँ

nabina kafle

सहरका कसिला भिडहरूबाट
उकासिएका स्वासहरूसँगै
जाने गोरेटो बाटामा फैलिएका
पातीका तिता तर
भरिपूर्ण भएका हरिया पातहरूसँगै
मौलाएको एक प्रेम हो गाउँ

पाठा पाठीहरूको म्याँ म्याँ
चल्लाहरको सुमघुर चिरविर
पाखाहरूमा गुन्जिएको सुुसेली अनि
रत्तौली र मेलाहरले सजिएको
एक रचना हो गाउँ

सहर सधैँ बस्नका लागि नहुने रहेछ,
यदि हुँदो हो त
भुकम्प, नाकाबन्दी अनि महामारीले
हजारौ सहरीया भएका गाँउलेहरूलाई
गाँउ नेै फर्कउने थिएन होला, हो
यिनै ममता र स्नेहको स्वरूप हो गाउँ

सम्बन्धित पोस्टहरु

कविता- भद्र मान्छे

छन्द कविता- …कहाँ छ र ?

कविता- मूल्यशून्य म

वाचा दिएकाहरूले
वाचा पूरा नगरेपछि
नमन, स्नेह,र पुनः बाँच्नका लागि
सङ्कल्प गर्ने एक सुन्दर मन हो गाउँ

हर्ष उमङ्ग अनि
उत्साहको सङ्घर्ष
गर्दै गरेका सपनाहरूका
विकासमा ऐठनहरूले
चेपेर पनि नमरेको एक आत्मा हो गाउँ ,

उकाली ओराली पाखा पखेरा अनि
बाँसुरीका सुन्दर र सुरिला स्वरहरूसँगै
जीवनका सुन्दर पलहरू बिताउन साँच्चै
गाउँ नै फर्किनुपर्छ

 विरेन्द्रनगर सुर्खेत

प्रतिक्रिया
Loading...