मंसिर १८, मंगलवार ०२:२७ 
| | editorबैशाख ५, आईतवार ०९:०१ |
आसिक छेत्री (दार्जीलिङ)
माथिबाट खसेर
उचाई नाप्न खोज्ने दाना
कसैले कुल्चुन सक्ने
किराले खाएर
कुहुन पनि सक्ने
बिस्तारै उचाई र गहिराईको
सन्तुलन बुन्दै
महत्त्वकाङ्क्षाहरूको
एउटा सिटा, दुई पात
आकाश ताक्दै छ
चरुवा जन्तुको
आहार पनि हुन सक्ने
ठाडो उभिएको पौधा
धर्ती खाएर
आकाश ताक्दै छ
समय बिते
जवानीका थुप्रै टुसाहरू
बसन्तमा पौलाए
आकाश छुने आकाङ्क्षा भने
हर मौसम मौलाए
तर ए रूख !
भौतिक आकाश तिमी किन छुनू?
तिमीले त
स्वर्ग काखैमा जन्मायौ
मान्छेलाई बुद्ध बनायौ
तर साथी,
हामी त्यस्तै
सम्भावनाका रूखहरू काटी
क्रुस बनाई
फेरि अर्को शान्ति दूतलाई
नटागौँ II
साहित्यपोस्ट पढ्नुभएकोमा धन्यवाद
यसलाई जीवित राख्नकोलागि तपाइँको
आर्थिक सहयोग महत्वपूर्ण हुन्छ ।
यसलाई जीवित राख्नकोलागि तपाइँको
आर्थिक सहयोग महत्वपूर्ण हुन्छ ।
Scan गर्नुहोला
