काउछा

जुनकिरी हुँ म
मलाई चन्द्रमा मन पर्दैन
चन्द्रमा अर्काको उज्यालोमा चम्किन्छ
चन्द्रमाको प्रकाश बादलले छेकी दिन सक्छ
औशीको रातले लुकाई दिन सक्छ

म स्वतन्त्र छु
म जता पनि उडन सक्छु
मेरो उज्याँलोले ब्यागुताहरु ट्यार टयार गर्न बाध्य हुन्छन
र
वृष्टि हुन्छ
तिर्खालु धर्तीले सुखको सास फेर्छिन
अनि
कन्चन आकाश खुल्छिन

स्वार्थीहरु चन्द्रमाको उज्यालोमा रमाउछन
घमण्डको सगरमाथा चदछन
धाक र रवाफ लगाउछन
ए परजीवीहरुको
आफ्नै उज्याँलोमा बाच्न सिक

मेरो आफ्नै धरती छ
मेरो आफनै आकाश छ
मेरो आफ्नै उज्यालो छ
म जुनकिरी हु
त्यसैले त मलाई
अदिप्त चन्द्रमा  मन पर्दैन

चौराहा -१ बाग्लुङ्ग