आँखै अगाडिको

विशाल अग्ला हिमाल देखेर

म आफूलाई सोध्छु,

तिमी प्रतिको

मेरो प्रेम-

हिमालभन्दा अझै अग्ला छन् ?

****

अनि तल्लो फेदीमा

काला-खैरा चट्टान

हेरेर तुलना गर्छु,

तिम्रो र मेरो सम्बन्ध

चट्टान जतिकै बलिया छन्,

****

म सोच्थे:

कसरी रोकिन सक्छन्

नदीहरु समुद्र बनेर

बाढी, झर्ना, खोला, खोल्सा, सुनामी

सबै बटुलेर

कसरी जम्न सक्छन्

धैर्य भएर,

सुन्दर फेवाहरु

विराट ताल बनेर

आदीम-दामीमको लागि!

****

तर मलाई विश्वास छ-

तिम्रो धैर्य देखेर

सुक्न सक्छन्

विराट समुद्र-तालहरु

बिलाउन सक्छन्

जून-घाम

बग्दाबग्दै थाक्न सक्छन्

हिम नदी र खोलाहरु!

तर-

बाँच्न सक्छन्

जुनी-जुनी

तिम्रो मेरो सम्बन्ध

र-

प्रेमहरु!