-बिम्ब काव्यको प्राण हो ।

-बिम्बले काव्यलाई रसमय,भावमय र सौन्दर्यमय बनाउँछ ।

त्यसैले काव्य रचना गर्दा बिम्बमय बनाउने प्रचलन रहेको छ।

<>             <>            <>

-बिम्ब कविता काव्यको सूक्ष्म सूत्ररूप हो।

-बिम्ब कविता दुई र तीन अक्षरीय दुई पंक्तिमा रचना गरिन्छ।

-बिम्बकविता दुई अक्षरका मानवीय संवेग वा संवेदनालाई  तीन अक्षरका प्रकृति जगतकोपरिदृश्यको बिम्ब बनाएर वा दुई अक्षरको प्रकृति जगतको परिदृश्यलाई तीन अक्षरको जीवनभोगाइका संवेग वा संवेदनाको बिम्ब बनाएर रचना गरिन्छ ।

<>              <>          <>

-उल्लेखित संरचनाको बिम्ब कविता  सर्वप्रथम अमर त्यागीले २० अगस्त २०२०मा ‘बिस बिम्बकविता’ शीर्षकमा फेसबुकमार्फत् सार्वजनिक गरेका हुन् ।

-तत्पश्चात् आर्त अकुलीनले २३ अगस्त २०२०मा ‘पाँच बिम्ब कविता’ शीर्षकमा फेसबुकमैसार्वजनिक गरेका हुन्।

– तत्पश्चात् रमेश प्रभातले २३ सेप्टेम्बर २०२०मा ‘केही बिम्ब कविता’ शीर्षकमा फेसबुकमैसार्वजनिक गरेका हुन् ।यसपछि अन्य सर्जकहरूले पनि बिम्ब कविता लेखनलाई निरन्तरता दिइरहेका छन्।

<>                <>             <>

-बिम्ब कविता काव्यको सबैभन्दा सानो, पूर्ण र स्वतन्त्र बीजरूप हो।

– सबैकुरा बिम्ब वा सूत्ररूपमा बुझ्नुपर्ने आजको बौद्धिक वा व्यस्त वैज्ञानिक युगमा बिम्बकविताको सर्वोपरि महत्व रहेको छ।

– बिम्ब कविताको संरचना वा सैघ्दान्तिक स्वरूपको क्रमश: व्याख्या विश्लेषण हुँदै जानेछ।

अमर त्यागीका बीस बिम्ब कविता            

घाम             कान्ति

चेतना           कर्मणा

सुख               मैत्री

बहार             जुनेली

दु:ख               चाह

सिरेटो            तरेली

घात               आशा

तुषारो            बयेली

तन                 चेत

सुमन             चमेली

मन                 ईख

मौसम            करेली

धन                 यौन

पवन              अगेनो

आस्था            तृष्णा

आकाश          भुङ्ग्रेलो

प्रेम                 निष्ठा

पहार              ओदान

भाग्य              चिन्ता

भङ्गालो        डढेलो