साहित्यपोस्ट
नेपाली भाषा र साहित्यको सम्पूर्ण पत्रिका

जगन्नाथका दुई कविता

Chovar Blues Mobile Size

जीवनफूल

 

जगन्नाथ पौडेल

हरियो दुबो
शीतका टुक्राहरू खाएर
शीतभन्दा बेसी हाँसिरहेछ
बगैंचामा

फूललाई छुन पाएर
या भनौँ
आफू नै फूल भएको देखेर
उता
फूलहरू
हाँसेरै फुलिरहेछन् मौनतामा
फुलेरै हाँसिरहेछन् कोमलतामा
त्यति मात्र कहाँ हो र
मुस्कुराउँदै झरिरहेछन् शिष्टतामा
मुस्कुराउँदै मरिरहेछन् सुन्दरतामा

बस्,
फूल भन्नु फुल्नु र हाँस्नु त रहेछ !

 

 

मृत्युको दिन

 

sagarmani mobile size

न त्यो आँगनछेउ

तिमीले पानी खुवाएको फूल रुनेछ
न त्यो करेसाबारीमा तिमीले हुर्काएको
आरुको पात झर्नेछ
न तिमीले हदै माया गरेको
भित्ताको उनको फोटो हाँस्न नै छाड्ने छ

अरु त अरु
तिम्रै लास पनि हाँसिरहेको पाउनेछौ
आँगनको डिलमा
फरक यत्ति हो कि
तिमी हाँसोमै हाँसिरहेका हुनेछौ
तिनीहरू रोएझैं हाँसिरहेका हुनेछन् ।

भर्जिनिया, अमेरिका

प्रतिक्रिया
Loading...