यो अस्तित्व
न मैले बनाएको हुँ
न त तिमीले नै
यो प्रकृति
न मैले जन्माएको हुँ
न त तिमीले नै
यी धर्महरू
न मैले जन्माएको हुँ
न त तिमीले नै!

हामी त केवल संयोगले
स्वत्व लिएर जन्मिन पाएका
केही दिनका मात्रै पाहुना हौँ यो धर्तीमा

किन उपद्रो गर्छौँ?
थाहा छ? कहिले मर्छौं?

न म अजम्बरी छु
न त तिमी नै!

बाँचुन्जेल
जीवनलाई प्रेम गरौँ
अस्तित्वलाई प्रेम गरौँ
केवल प्रेमका बीउ छरौँ
घृणालाई दबाएरै मरौँ।