
हामी
भ्रमैभ्रममा जन्मिएर
भ्रमैभ्रममा मर्ने रहेछौँ
कहिले भएर दुःख पाउने
कहिले नभएर,
नहुनु र हुनुको भुलभुलैयामै
संसार अडेको हुँदोरहेछ,
संसार चलेको,
संसार रमेको हुँदोरहेछ,
संसार विजय गरेको दून्दूभी फुक्नेहरू नै
समयको प्रवाहसँगै
राजा हरिश्चन्द्र पनि बन्न पुग्दोरहेछ,
आखिर श्रीकृष्णको सुदर्शन चक्र नै
सबैथोक भएपछि
कथा, परिकथा त केवल
अल्मल्याउने,
अल्झाउने,
बल्झाउने
भ्रमैभ्रम पो हुँदोरहेछ,
बुझ्नेले बुझे पनि
नबुझ्नेले नबुझे पनि
संसार समयको पाबन्दीमा कुद्ने
भ्रमैभ्रमको जालो मात्रै रहेछ
हामी
भ्रमैभ्रममा जन्मिएर
भ्रमैभ्रममा मर्नेरहेछौँ ।
— दिङ्ला, भोजपुर



साहित्यपोस्ट पढ्नुभएकोमा धन्यवाद
यसलाई जीवित राख्नकोलागि तपाइँको
आर्थिक सहयोग महत्वपूर्ण हुन्छ ।
यसलाई जीवित राख्नकोलागि तपाइँको
आर्थिक सहयोग महत्वपूर्ण हुन्छ ।

Scan गर्नुहोला
