विशेष अधिकारी

वस्तुको कम्पनबाट आवाजको विष्फोटन हुन्छ

बिस्फोटित आवाजमा बन्धन ध्वनि रहन्छ।

उक्त ध्वनिको स्पन्दन रहन्छ जताततै,

निर्विकार वाक्य ॐको जन्म सर्वत्रै ।

भाषाको चरण सुरुवाती,

ग्रह, नक्षत्रबीच यसकै स्तुति

विज्ञानलाई दिन ज्ञानको चुनौती

मानिसलाई तल्लिन देवको भक्ति
तीन लोक चौध भुवन गुनगान छ यसकै,

ब्रह्म वाक्य ॐको शक्ति ।

परब्रह्म ॐको शक्ति ।

प्रकृतिको अन्धकारबाट, आकासको मार्गमा अवतरण

अविनाशी ध्वनि हो सरस्वतीको मुखबाट ब्युत्पन्न

विज्ञान मान्दछ ध्वनिलाई, विद्युतको प्रकार,

विद्युतीय तरंग हो ध्वनिको प्रकार ।

मतमतान्तर चलिरहन्छ,

मनका विकार दुर गर्न,

जगत ब्रह्माण्ड चराचर

निरन्तर छ निराकार ॐकार ।।

निरन्तर छ जयकार ॐकार।।

एक हातको ताली सरि

गुन्जायमान छ जगतभरि

विकार सबै दुर गर्न,
बाचन गरौ घरी घरी ।।

ॐ ॐ ॐ ॐ ॐ ॐ

त्रिदेवको शक्ति छ यसमा

सत्य,तम, रज गुण छन् बसमा

महसुस गर्न सके स्वासमा

निरन्तर छ निराकार ॐकार।।

निरन्तर छ जयकार ॐकार।।

कीर्तिपुर नगरपालिका-८, काठमाडौँ
स्थायी ठेगाना: घोराही-१७, दाङ