ज्ञानोज

साबित गरिदिन्छ जस्ले तिमीलाई
मैले भन्दा बढी माया गर्छु भनेर
म उसैको गुलाम बनिदिन्छु सधैँ
जबसम्म जादिनँ म यो संसार छोडेर
साबित गरिदिन्छ जस्ले तिमीलाई
मैले भन्दा बढी माया गर्छु भनेर।।

तिम्रै वरिपरि घुमिरहन्छु म
कल्पना र विचारको सहारा लिएर
तिमी भन्छौ भने बाँचिदिन्छु म
यहाँ जस्तोसुकै विष पनि पचाएर
साबित गरिदिन्छ जस्ले तिमीलाई
मैले भन्दा बढी मायाँ गर्छु भनेर
म उसैको गुलाम बनिदिन्छु सधैँ
जबसम्म जादिनँ म यो संसार छोडेर ।

मलाई विश्वास छ आफूमा धेरै-धेरै
तिम्रा लागि म मृत्युसँग नि हार्दिनँ भनेर
तर विश्वास छैन मलाई अरु कसैमा
तिमीलाई मैले भन्दा बढी माया गर्छ भनेर
साबित गरिदिन्छ जस्ले तिमीलाई
मैले भन्दा बढी मायाँ गर्छु भनेर
म उसैको गुलाम बनिदिन्छु सधैँ
जबसम्म जादिनँ म यो संसार छोडेर ।

आखिर जे होस् यहाँ
जो आउँछ तिम्रो चाहना बनेर
तिम्रै चाहनालाई बचाइदिन्छु म
जान्छु तिमीलाई त्यही उपहार दिएर
साबित गरिदिन्छ जस्ले तिमीलाई
मैले भन्दा बढी मायाँ गर्छु भनेर
म उसैको गुलाम बनिदिन्छु सधैँ
जबसम्म जादिनँ म यो संसार छोडेर ।