म तयारी गर्दैछु
एक युद्धको तयारी

जुन युद्ध यति फराकिलो हुने छ
कुनै हातहतियार,बम,बन्दुकविनाको युद्ध

म युद्ध मैदानमा
होमिएको बेला दुनियाँ चकित पर्ने छ

मैले गर्ने युद्धको उदेश्य भनेको
मैले म पनि भन्न सकूँ स्वतन्त्रताको साथ
मानव हुँ भनेर

म यस्तो युद्ध लड्ने तयारी गरिरहेछु
जुन युद्धमा हतियारको रूपमा

मेरो कलम बन्दुक हुने छ
पड्किने बन्दुकको गोली भनेको
शब्दको प्रहार हुने छ

मलाई युद्ध जित्नको लागि सहयोग गर्ने
भित्रभित्रै भूमिका खेल्ने छ
मेरो आफ्नै सोचाइले

युद्धको तयारी गर्दैछु म
जुन युद्धले कसैको अन्त्य गर्न
र
विनाश गर्न हुने छैन

बरु उक्त युद्धले
एउटा महत्त्वपूर्ण पाठ सिकाउने छ
युद्ध सबैको हितको लागि लड्नुपर्छ
युद्ध भयभीत पार्नको लागि लडिनु हुँदैन

युद्ध संसार जोगाउन लड्नुपर्छ
युद्ध संसार ध्वस्त पार्नको लागि लडिँदैन हुँदैन ।

जुम्ला