आज बिहानै
जुठेल्नामा
कटकटिएका भाँडा माझ्दै थिएँ
छोराको फोन आयो
छोरीको फोन आयो
बुहारीको फोन आयो
भौतिक रूपमा
टाढा भयौँ त के भो ?
सम्झिए, नातिनातिनाहरूले
पालैपालो
मातातीर्थ औँसी
फोनको आगमन
केही नपाए पनि
प्रशस्तै पाएजस्तो
केही नखाए पनि
मिष्ठान्न भोजन
पेटभरि खाएजस्तो
भिन्नभिन्नै छौँ र पनि
सँगसँगै बसेजस्तो
छुट्टै आनन्द
छुट्टै उत्साह, उमङ्ग
हर्षको सीमा रहेन
आमा हुँ !
सारा हण्डर, दुःख, कष्ट
चटक्कै बिर्सेँ
अनि त्यसैत्यसै
फुरुङग भएँ म ।
लेखकका अन्य सिर्जनाहरू पढ्न यहाँ क्लिक गर्नुहोस्...