१

यो नेपाल अजम्बरी भइरहोस् विशाल यो विश्वमा

लाखौँ लाख कला बढोस् प्रिय बनोस् हाम्रो इतिहासमा

मेची , काली , कर्णाली, कोशी र अनि पाखापखेराहरु

कलाकर्मी बनेर रात दिन म शृङ्गार यसको गरुँ ।

२

मेरो स्वप्न यो छ नेपाल भरिमा नयाँ वहार ल्याउने

मेरो स्वपन मेरै यी बाहुबलमा यो देश सजाउने

मेरो स्वप्न भोका नेपाली पेटमा सन्तुष्टि भित्र्याउने

मेरो स्वप्न यो छ खुला गगनमा रकेट उडाउने ।

३

मेरै माटो मीठो म हुँ वीर ठिटो यो देश नेपालको

मेरै जन्मभूमि सुन्दर छ है के छैन यहाँ विश्वको ?

आउने  जति  सबै यो मुलुकमा नेपालमैत्री बनून्

होउन् मख्ख सबै देखि धरती यो सबले भूस्वर्ग भनून्

४

मेरो प्यारो नेपालको हृदयमा नौलो म नक्सा कोरुँ

मेरो प्यारो नेपालको बगरमा नेपाल हेर्दै मरुँ । ।

    टोखा न प , वडा नं ३