पितृसत्ताकाे अहंकारले ग्रसित

हाम्राे याे समाज जर्जर बनेकाे बेला

त्रसित भएर बाँचेकाे छ जिन्दगी

किनभने यहाँ  म अनुमान गर्न सक्दिनँ

जुनसुकै  बेला म बलात्कृत भई मारिन सक्छु

किनभने यतिबेला राज्यसत्ता र

मेराे देशकाे कानुन

र कानुनकाे व्याख्याता हाम्राे न्यायालयले

हरेक दिन पीडकहरूकाे पक्षमा

आफ्नाे फैसला सुनाउँदै

हाम्राे आत्मसम्मानमाथि दिनहूँ बलात्कार गरेकाे छ

कुनैदिन लाग्थ्याे

राज्यसत्ता र कानुन

हामी नागरिककाे संरक्षक हाे

तर म स्वयं गलत रहेछु

किनकि त्यही कानुनका दफाहरू

बलात्कारीकाे संरक्षक बनेर उभिएका छन्

जुन दिन मैले

बालुवाटारकाे सरकारी निवासमा

मलाई बलात्कार गर्ने अपराधी

सरकार प्रमुखबाट अभिनन्दन गरिएको देखेँ

म गाैशाला-२६ अवाक् बनेँ

र लाग्याे याे समाज, देश र कानुन

महिलामैत्री हुँदै हाेइन

जब जब बलात्कारीकाे पक्षमा

अदालती फैसला आयाे

महिला अधिकारवादीहरूले

न्यायकाे जित भन्दै लेखे

त्यसैले मेराे देश न्याय मरेकाे देश हाे

विचारले कुपाेषित ए पितृसत्ता

लज्जाविहीन ए राज्यसत्ता

हाम्राे तिराेबाट पाेषित ए सरकार

न्याय मरेकाे देशकाे ए न्यायालय

तिमीलाई सबै छुट छ

त्यसैले तिमी पनि आऊ

मलाई फेरि पनि

दिनदहाडै बलात्कार गर

मेराे हत्या गर

किनकि म गाैशाला-२६ हुँ ।

हाल: पाेर्चुगल