१
तिम्रा अधरमा सधैं मुस्कान देख्न चाहन्छु
सिर्जनामा सुन्दर केशराशी जेल्न चाहन्छु
जिन्दगीका उकाली ओरालीमा धैर्य भएर
समस्याका हावापानी सहजै छेक्न चाहन्छु।

२
बर्खामा फालेको ठुटो हिउँदमा काम लाग्छ
कष्टमा नआतिनेको भविष्यमा घाम लाग्छ
जीवन यात्रामा उकाली ओराली हुन्छ पक्का
धैर्य संयमताले अवश्य सुखको लाम लाग्छ।

३
पिताजी पैसा कमाउन समुद्रपारि लाग्छ्न्
छोराछोरी अन्न फलाउन खेतबारी लाग्छ्न्
आमाको काम नानीको रेखदेख शिक्षादीक्षा
अब देश बचाउन परदेशी सबै वारि लाग्छ्न्

४
खाली समय उपयोग गरौं कसरी
दिएनौ नवीन सिर्जना पढौं कसरी
शंका मान्यौ बहाना बनायौ धेरै चोटी
हाँस्दै स्वादिलो चोट दियौ सहौं कसरी?