साहित्यपोस्ट
नेपाली भाषा र साहित्यको सम्पूर्ण पत्रिका

किन ?

Chovar Blues Mobile Size
रवीन्द्र केसी

अचेल किन गुन्जिदैनन् ती मधुर आवाजहरु
निष्पट्ट रातको शून्यतामा,
कोइलीको सुमधुर आवाजझैँ
सपनाको एउटा युगमा सधैँसधैँ,
गुञ्जिन्छन् तिम्रा मधुर आवाजहरु,
अनि म त्यसैको माधुर्यमा मदहोस हुँदै,
बिर्सेर यथार्थका कोलाहलहरु !
नाघेर खुशीका सिमानाहरु !
तिम्रै मायालु आवाजसँगै सधैँ मग्न छु
मेरा लागि तिमी भन्नु नै तिम्रो आवाज हो
म तिनै आवाजसँग अन्तरंगी पलहरु बिताउँछु ।
खोई, तिमीले त भुल्यौ कि सम्झेकी छौ,
लाँकुरी डाँडामा बाँधिएर अँगालोमा,
“मलाई कहिल्यै नछोड्नु ल !” भन्दा तिमीले,
म भित्रका खुसी र त्रासको के हिसाब ?
तर आज समय बदलियो र शायद तिमी पनि
अब त मसँग केवल तिम्रो आवाज छ
म त्यही आवाज मादकतामा
सपना हो कि विपना !
नबुझेरै हजारौँ दिन मातिरहेर
र, शायद चेतना शून्य भएँ !
अनि बुझिनँ मैले
अचेल किन गुन्जिदैनन् ती मधुर आवाजहरु…।

 

लेखक परिचय

काभ्रे पलान्चोक जिल्ला, पनौती नगरपालिका चौकोटमा जन्मिनु भएका रवीन्द्र के.सी. नेपाल सरकारको अधिकृत स्तरका कर्मचारी हुनुहुन्छ । राजनैतिकशास्त्रमा स्नातकोत्तर उहाँले अमेरिका, चीन र भारतबाट समेत विभिन्न प्रशिक्षणहरू प्राप्त गर्नुभएको छ । उहाँले संयुक्त राष्ट्र संघअन्तर्गत रहेर हाइटी र कोसोभोमा समेत सेवा दिई सक्नुभएको छ । नेपाली साहित्यमा गहिरो अभिरुचि राख्नु हुने के.सी.का थुप्रै कथा, कविता र व्यावसायिक लेख रचनाहरु प्रकाशित छन् ।

प्रतिक्रिया
Loading...