सञ्जीव विश्वकर्मा

मलाई लाहुरेले सोध्यो,
मैले छोड्न बाध्य भएको मेरो देश कस्तो छ ?
मेरो टोपी त कुच्चियो शर्मले
सगरमाथाको उचाई कस्तो छ?

फेवातालको पानी रित्तियो कि छ अझै
आँखाबाट त आँशु झरनासरी बग्दैछ
एक्चोटी त भन्देऊ मैले बाध्य भएर छोडेको मेरो देश कस्तो छ ?

मलाई लाहुरेले सोध्यो,
खोला बग्छ कि किनारबाट
कि बग्छ मेरो घरबारीबाट
मलाई त बगाइलग्यो अर्काको देशमा
भन्देऊ न, दुःखको बहाव कस्तो छ ?

रौतहट