आश्विन २७, आईतवार ११:०० 
|
|
editorअसार १०, बिहीबार ०९:१५ |
किशन पौडेल
१.
अकूत धन
नाङ्गै छ तन
दरिद्र मन !
२.
हृदय छुन
धेरै कठिन
सरल हुन ।
३.
तर्कियो झन्
बैगुनी माया
चर्कियो मन !
४.
सत्ताको खेल
जोडेर कुम
गर्छन् झेल !
५.
तितो र मिठो
खुसीले खाऊ
कर्मको पिठो !
६.
तप्प तर्कियो
आँसुको थोपा
मन फर्कियो !
७.
भाग्यको खेल
काखा र पाखा
हुँदैन झेल !
८.
तोडेर गए
नाता सम्बन्ध
निस्ठुरी भए !
९.
सत्ताको खाल
बुझ्नै कठिन
शकुनि चाल !
१०.
भरियो गह
तप्कियो आँसु
दुःखको बह !
११.
भमरा बस्छ
फूलको बैँस
ओइली झर्छ ।
१२.
आधुनिकता
गुमेको साख
हाम्रो सभ्यता !
१३.
घर सल्काई
छोडेर गयौँ
मन जलाई !
१४.
एकान्त रात
भिज्यो सिरानी
उसैको याद !
°°
हेटौँडा
साहित्यपोस्ट पढ्नुभएकोमा धन्यवाद
यसलाई जीवित राख्नकोलागि तपाइँको
आर्थिक सहयोग महत्वपूर्ण हुन्छ ।
यसलाई जीवित राख्नकोलागि तपाइँको
आर्थिक सहयोग महत्वपूर्ण हुन्छ ।
Scan गर्नुहोला
