मुक्तक १:

सुख अनि दुःख भोग्दै दिनहीन हुन्छौँ​,

पक्का एकदिन आफन्तबाट घिन हुन्छौँ ।

अनुपम प्रेमिल सबै आफन्तहरू भुलेर,​

अन्त्यमा हामी धरतीबाट विलीन हुन्छौँ ।।

—

मुक्तक २:

स्पर्श गर्न सर्न नजिक हुन मनाही छ,

आफ्नो सौन्दर्य बिगार्दै रुन मनाही छ ।​

ओइलिन सक्छु म लज्जावती झार हुँ,

बिन्ती मलाई नछुनुस् छुन मनाही छ ।।

—-

मुक्तक ३:

मान्छे आफैँ गल्ती गर्छ होइन भन्दै ईश्वर भाक्छ,

केही बोल्यो कि बोली नखस्दै बद्नाम भो भन्दै जाग्छ ।

बोलेको भुल्दै गतिछाडाहरू छिनछिनमा रङ फेर्ने,

दोधारे मनुवा र मध्य दिनको छेपारो उस्तै लाग्छ ।।

—

मुक्तक ४:

दम्भले चुलिँदै बिझाउने भाष्य नबोल भो,

भित्र दुख्ने अन्तर्घाती कहिरन नखोल भो ।

ममाथि नै प्रहार गर्ने छुरा हातमा लिएर,​

अमृतको प्यालामा, मन्द विष नघोल भो ।। ​