यहीँ दुःख, पीर, व्यथा हो, चिन्न नसकेको,
सबथोक छ आमा, सुख हो किन्न नसकेको।

अगाडिबाट प्रहार गर्नेको रत्तीभर डर लाग्दैन,
पिठ्युँमा भाला हान्नेलाई हो चिन्न नसकेको।

जोड-घटाउ गणितका एक–एक भागफल गरेँ,
जिन्दगी रहेछ दशमलव, भिन्न नसकेको।

जे जति छ मिलिजुली खाउँला, पियारी,
झुटो आश्वासन कसैलाई दिन्नँ नसकेको।

लाख कोशिश गर्दा गर्दै हार भयो त के गरूँ,
त्यहीँ घट्टको ढुङ्गा हुँ, दुःख पिन्न नसकेको।