
बहर: मुतकारिब मुसम्मन सालिम
वजन-१२२ १२२ १२२ १२२
भएको जवानी गुमाएर रोएँ
सधैँ अश्रुधारा बगाएर रोएँ
अपत्यार लाग्ने भयो जिन्दगानी
कहरले खरानी बनाएर रोएँ
बगरमा लडेको भएको छु ढुङ्गा
नबुझ्दा खुबै मन दुखाएर रोएँ
न भेटेँ किनारा न पाएँ सहारा
कुनामा सिरानी भिजाएर रोएँ
हराएछु आफैँ हमेसा सफरमा
थियो आश त्यान्द्रो चुडाएर रोएँ
~~~~~~
गम्भीर दुवाडी
गजुरी धादिङ्ग



साहित्यपोस्ट पढ्नुभएकोमा धन्यवाद
यसलाई जीवित राख्नकोलागि तपाइँको
आर्थिक सहयोग महत्वपूर्ण हुन्छ ।
यसलाई जीवित राख्नकोलागि तपाइँको
आर्थिक सहयोग महत्वपूर्ण हुन्छ ।

Scan गर्नुहोला
