१.
तिमीभित्र सारा खुसी बिसाइदिन्छु प्यारी

खन्याएर यौवन त्यतै मिसाइदिन्छु प्यारी

बुझ्नुपर्छ तिमीले पनि यो मनले के माग्छ

नत्र कसम बोल्दिनँ म रिसाइदिन्छु प्यारी ।

२.
खन्याएर प्रेमको प्याला गर्नु गर्यौ तिमीले

गुलाफको फूल दिई यो मन हर्यौ तिमीले

मदहोसी बनाई मलाई बेरी अँगालोमा

सुटुक्कै पिरतीको बीउ छर्यौ तिमीले ।

३.
बिछ्यौनामा फूल छरी यो रात बिताउनु छ

यौवनको प्याला भरी यो रात बिताउनु छ

अँगालोमा बाँधिएर हराउँदै एकअर्कामा

सारा हदलाई पार गरी यो रात बिताउनु छ ।

४.
साट्न खुसी र उमङ्ग मन छ मलाई प्यारी

पार्न प्रेमले सधैँ दङ्ग मन छ मलाई प्यारी

मिसाई हरदम जवानी यो तिम्रो यौवनसँग

चुम्न तिम्रा हरेक अङ्ग मन छ मलाई प्यारी।

नवदेव मार्ग, लालभित्ती, मोरङ

हाल: गोदावारी, ललितपुर