१ .
माहिला, साहिँला, काहिँला दिनदिनै मासिँदै छन्
जेठा / कान्छा खै किन विदेशतिरै भासिँदै छन् ?
फर्केर आउने नाम निसाना नै छैन पुरानो घारमा
चास्नीमा फसेका मौरीझैँ उतैतिर कतै टाँसिँदै छन् !

२ .
गाउँघर लभभग पुरै रित्तो छ
खासमा यथार्थ अलि तितो छ
हाम्रो भागमा आजसम्म पनि
यता भीर छ उता भित्तो छ !

३ .
घरमा नुहाएको कट्टु सुकाउँदैनथ्यो
ज्यान जाला गाईवस्तु फुकाउँदैनथ्यो
विदेशमा भेडा चराउँदै छ रे आजकाल
पानी पर्दा पनि बिस्कुन उठाउँदैनथ्यो !

सिन्धुली