जिन्दगी थोत्रो गाडी हो घुम्तीहरूमा चल्नसक्छ

जिन्दगी एक फल हो धेरै पाकेर गल्नसक्छ

बचाउने कोसिसमा छु सधै आफूलाई

कुनै बेला गलेको काठको खाँबो झैँ ढल्नसक्छ

0000

जिन्दगी पानीले चुटेको माटोको डल्लो भो

जिन्दगी जति चिनी हाले पनि स्वादै खल्लो भो

दुःख मेटाई सुखमा रमाउन खोज्छु सधैँ

जिन्दगी थकान नभए पनि सुसाउने सल्लो भो

0000

जिन्दगी झुसे माकुराको जालो झैँ भयो

जिन्दगी पाटीमा पोतिएको कालो झैँ भयो

उठ्न खोज्छु अघि बढ्न तर सकिएन

जिन्दगी प्वालैप्वाल परेको टालो झैँ भयो

0000

खुंग्री, रोल्पा

हालः बुढानीलकण्ठ न पा ८, काठमाडौँ