चिरेर कर्कलो लरक्क, चुलठी बाट्यौ र ?
बाट्छु माया भन्थ्यौ चुलठीमै, कि ढाँट्यौ र?

सुकाई कर्कलो गावा, गानाको रस पकाउँदै
मस्कँदै अँगेनी छेउमा, कि माया साट्यौ र ?

ढल्केर छातीमा, भन्थ्यौ, “चाँडै आउँनु है!”
मुखले ठिक्क चेपारे, कि अन्तै आँट्यौ र ?

जे देखेँ एकै दिन देखेँ, मलिन त्यो मुहार
म नेटो नकाट्दै तिम्ले, कि डाँडो काटयौ र?

चिरेर कर्कलो लरक्क, चुलठी बाट्यौ र ?
बाट्छु माया भन्थ्यौ चुलठीमै, कि ढाँट्यौ र?

ठू़लीपोखरी, पर्वत
हालः टोरोन्टो, क्यानडा