भात नखाइ रोटापन खाँदाहुन् कि सहरका माण्ठ ?
मनका धनी गाउँल्या जसा हुँदाहुन् कि सहरका माण्ठ ?

गन्नु पड्डोछ घाँस दाउरा स्याउला सात मस्तै दुःख्ख
उठीकन छकालै काम जाँदाहुन् कि सहरका माण्ठ ?

गास हुँदैन बास हुँदैन बाँच्न्या आस हुँदैन हाम्मो
तिँपन कैले भोक–भोकै रुदाहुन् कि सहरका माण्ठ ?

आइराख्तो छ छकालबासा गाउँल्याकन अनिकाल
निको खाइ नौलाइ लाइ घुम्दाहुन् कि सरका माण्ठ ?

सुरेन्द्र शाही

सुरेन्द्र शाही ‘गुलाब कान्छो’, बाजुरा

खस भाषाको नेपाली अर्थ:
माण्ठ-मान्छे
रोटा-रोटी
गाउँल्या-गाउँले
जसा-जस्ता
सात-सँग
छकालै-बिहान
तिँपन-तिनी पनि
आइराख्तो- आइरहन्छ
छकालबासा-बिहान बेलुका
अनिकाल-समस्या
निको-राम्रो
नौलाइ-नयाँ
लाइ-लगाइ