साहित्यपोस्ट
नेपाली भाषा र साहित्यको सम्पूर्ण पत्रिका

गजल प्रतियोगिताकाे बीसाैँ चरण : सुमी, सुनिल र श्रद्धा विजयी

गजल मुशायराले साहित्यपोस्टसँग मिलेर सञ्चालन गरेको गजल प्रतियोगिताको बीसाैँ चरणमा सुनिलप्रसाद देवकाेटा, सुमी पाेखरेल र श्रद्धा आचार्य विजयी हुनुभएकाे छ । त्यस्तै, यस प्रतियोगिताकाे अघिल्लाे हप्ता असीराम डंगौरा, घनबहादुर थापा र समीर राई ` प्रेमिल´ विजयी हुनुभएकाे थियाे ।

विषयवस्तु, शब्द संयाेजन, काव्य चेत, नवीनता र सामाजिक सबै किसिमले विजयी तीन गजलहरु उत्कृष्ट भएकाले करूण थापा, रवि प्राञ्जल, जय गाैडेल र जितेन्द्र मल्लको संयुक्त निर्णयमा सर्वोत्कृष्ट घोषित गरिएको हो ।

bahulako diary small and inside post

“बीसौँ चरणको प्रतियोगिताका लागि दसैँअघि नै गजल आव्हान गरिएको भए तापनि प्राविधिक कारणवश पुनः आव्हान गर्नुपरेकाे थियो ।”, निर्णायकमध्येका करूण थापाले भन्नुभयाे, “पुनः आव्हान गरिएकोमा पहिलो चरणमा प्राप्त भएका र पुनः आव्हान गर्दा प्राप्त भएका गजलहरूमा हरेक किसिमले उत्कृष्ट ठहरिएका सुनिलप्रसाद देवकाेटा, सुमी पाेखरेल र श्रद्धा आचार्य गजलहरूलाई बीसाैँ चरणका लागि वियजी घाेषित गरिएकाे छ । ”

साथै, थापाले एकपटक विजयी भइसक्नुभएका गजलकारहरूलाई अप्रतियोगीका रूपमा मात्र प्रतियोगितामा सहभागी हुनसमेत अनुराेध गर्नुभएकाे छ ।

प्रतियोगितालाई अस्ट्रेलियामा व्यवसाय गरेर बस्नुभएका डिला खरेल र उहाँको कम्पनी इनाभेटिभ एसोसिएट्सले प्रायोजन गरेकाे छ । पेसाले एकाउन्टेन्ट तथा वित्तीय परामर्श र बैङ्किङ सेवामा संलग्न खरेल साहित्य विशेष रुचि राख्ने भएका कारण यो प्रतियोगितासँग जोडिनुभएको हो ।

प्रतियोगिताका लागि दुबै चरणमा गरी जम्मा ३१ वटा गजलहरू रीतपूर्वक प्राप्त भएका थिए । सहभागिता जनाएर प्रतियोगितालाई भव्य बनाइदिनुहुने सम्पूर्ण गजलकारहरूप्रति आयाेजक गजल मुशायरा र साहित्यपाेस्ट दुबैले धन्यवाद ज्ञापन गरेका छन् ।

प्रतियोगिता पचास सातासम्म लगातार चल्नेछ । हरेक साता पाठकले आफ्नो एउटा गजल तलको कमेन्ट बक्समा पोस्ट गर्नुपर्नेछ । प्रतियोगितामा उत्कृष्ट गजलहरुलाई हरेक साता पाँच सय नगद अथवा एक हजार रुपैँया बराबरको पुस्तकले सम्मान गरिने छ ।

त्यसैगरी पुरस्कृत गजलहरु रचनाकारका आवाजमा रेकर्ड गरी गजल मुुशायराको आधिकारिक च्यानलमार्फत् प्रशारण गरिने निर्णायकमध्येका एक तथा गजल मुुशायराका जितेन्द्र मल्लले जनाउनुभएको छ ।

वर्षको अन्त्यमा छानिएका १ सय ५० गजलहरूमध्येबाट पनि उत्कृष्ट तीन छानिने छन् । सर्वोत्कृष्ट तीनवटा गजल छान्दा ५० प्रतिशत निर्णायक र ५० प्रतिशत भिडियोमा आएको रेस्पोन्स (लाइक, कमेन्ट र सेयरसहित, भिडियोको गुणस्तर) लाई ध्यानमा राखिने बताइएको छ । वर्षकाे अन्तिममा सर्वाेत्कृष्ट गजलहरूलाई ३० हजार, २० हजार र १० हजार नगद एवं गजलका केही महत्वपूर्ण पुस्तकहरूले सम्मान गरिनेछ ।

यसपटक छानिएका तीन गजलका सर्जकहरुलाई पाँच सय नगद अथवा एक हजार बारबरका पुस्तकले सम्मान गरिने छ । साथै, साताका उत्कृष्ट तीनमा पर्न सफल गजलकारहरूमा पुरस्कारका लागि ९८५१०९७८८८ वा sahityapost2020@gmail.com मा सम्पर्क गर्नुहुन साहित्यपोस्ट अनुराेध गर्दछ  ।

त्यस्तै, उत्कृष्ट तीनमा पर्न सफल गजलकारहरूमा आफू विजयी भएकाे चरण (अङ्क) उल्लेख गर्दै mushayaraofficial@gmail.com मा पुरस्कृत गजल वाचन गरी, भिडियो सात दिनभित्रमा पठाइदिनुहुन समेत अनुराेध गर्दछ । यसरी पठाइएको पुरस्कृत गजललाई गजल मुशायराको अफिसिल युट्युब च्यानलमार्फत् प्रसारण गरिने छ ।

पढ्नुहाेस् बीसाैँ साताका विजय गजलहरूः

प्रतिक्रिया
Loading...