बालगोपाल श्रेष्ठ

प्रेम त भयो तर आधा मात्रै
मन परेको त हो तर आधा मात्रै
विवाह पनि भयो तर आधा मात्रै
भोज त स्वादिलो तर आधा मात्रै

परिवर्तन त भयो तर आधा मात्रै
आधाउधि
मात्रै आधाउधि
आधा आन्दोलन आधा धोका
आधा इमान्दारी आधा बेमाइनी

आधा सुखान्त आधा दुःखान्त
आधा रमाइलो आधा नियास्रो
आधाउधि भई नटुंगिएको कथा
आधाउधि भई सकिएको कथा

आधा क्रान्ति आधा सम्झौता
आधा विजय आधा पराजय
आधा सत्य आधा झूठ
आधा सपना आधा विपना

आधाउधी भई अपूरो सपना
आधाउधि भई अधुरो यात्रा

कत्ति साह्रै नमिलेको हिसाब यो
कसको मात्रै षडयन्त्र होला यो
आधा कट्यो कि सबै गोलमाल
आधा कट्यो कि सबै भताभुंग

आधा हाँस्नु आधा रुनु
आधा बाँच्नु आधा मर्नु
कस्तो दुसाध्य कष्ट

आधा कट्यो कि घार्घुर
आधा कट्यो कि फासफुस
कति नरमाइलो अन्त्य यो
आधाउधि मात्रै / मात्रै आधाउधि

अनुवादः आर. मानन्धर

कवि परिचय

काठमाडौँको उत्तरी भेग साँखुमा जन्मेका बालगोपाल श्रेष्ठ विद्यार्थी जीवनदेखि नै नेपालभाषाका साहित्यिक पत्रिकाहरूको प्रकाशन, सम्पादनमा सक्रिय व्यक्तित्व हुन् । अध्यापन तथा अनुसन्धानको पेशा अँगालेका उनले नेडरल्याण्डको लाइडन विश्वविद्यालयबाट नृतत्त्वशास्त्रमा विद्यावारिधि गरेका छन् । हाल बेलायतको अक्सफोर्ड विश्वविद्यालयका अनुसन्धाताको रूपमा कार्यरत उनले साँखु, लगायत सिक्किमका साथै विभिन्न पाश्चात्य मुलुकहरूमा गहन अनुसन्धान गरी पुस्तक प्रकाशित गरिसकेका छन् ।
विश्व नेवाः संगठनका संस्थापक अध्यक्ष (सन् २०११ — २०१६) रहिसकेका श्रेष्ठका नेपालभाषाका दश र अंग्रेजीका पाँच कृतिहरू प्रकाशित छन् । उनले नेपालभाषाका साहित्यिक पुरस्कारहरू पनि प्राप्त गरिसकेका छन् ।

मूल कविता नेवारीमा पढ्नुस्ः

बच्छि बच्छि

मतिना ला जुल तर वच्छि जक
यःगु ला खः तर बच्छि जक
इहिपा ला जुल तर बच्छि जक
भोय ला सा तर बच्छि जक

ह्यूपाः ला वल तर बच्छि जक
बच्छि बच्छि जक
बच्छि बच्छि जक
बच्छि आन्दोलन बच्छि धोका
बच्छि इमान्दारी बच्छि बेइमानी

बच्छि लसता बच्छि दुखांत
बच्छि न्ह्याइपु वच्छि म्हाइपु
बच्छि बच्छि जुयाः पूमवंगु बाखं
बच्छि बच्छि जुयाः फुनावंगु थ्व वाखं

बच्छि क्रान्ति बच्छि सम्झौता
बच्छि विजय बच्छि पराजय
बच्छि सत्य बच्छि झूठ
बच्छि न्ह्यलय् बच्छि ज्वलय्

बच्छि बच्छि जुयाः पूमवंगु म्हगग
बच्छि बच्छि जुयाः क्वमचागु यात्रा

गपायचो मिले मजूगु हिसाब थ्व
सुनां जक यानाच्वंगु षडयन्त्र थ्व
बच्छि थेनकिं ला फुक्क गोलमाल
बच्छि थेनकिं ला फुक्क भताभुंग

न्हिले बच्छि ख्वये बच्छि
सी बच्छि म्वाये बच्छि
गज्यागु सास्ति थ्व

बच्छि थेनकिं घाराघुरु
बच्छि थेनकिं फासांफुसुं
गुलि म्हाइपूगु अन्त्य थ्व
बच्छि बच्छि जक / बच्छि बच्छि जक ।

सिर्जना मिति ५ मार्च १९९३ (ने. सं. १११३)

(उल्लिखित कविता “सच्छिदँया नेपालभाषा काव्य ल्यया” काव्य–संग्रहबाट साभार गरिएको हो । सो संग्रहमा उक्त कविता “कुलामय् थ्वःगु सः” (१११५) मा प्रकाशित भएको उल्लेख छ ।)