साहित्यपोस्ट
नेपाली भाषा र साहित्यको सम्पूर्ण पत्रिका

बुकर नामाङ्कनमा ८७ वर्षीय बाल उपन्यासकार

Chovar Blues Mobile Size

 

एलेन गार्नरले ६२ वर्षअघि पहिलो किताब लेखेका थिए । बालबालिका र लोकगाथाहरुलाई कथानक स्वरुप दिएर लोकप्रिय भएका गार्नर बुकर पुरस्कारको लामो सूचीमा पर्ने सबैभन्दा वृद्ध लेखकमा गनिएका छन् । हाल उनी ८७ वर्षका छन् । उनको ट्रिकल वाकर उपन्यास यो सूचीमा परेको हो ।

लामो सूचीमा सबैभन्दा कम उमेरकी लेखिका लैला मोटली रहेकी छन् । अमेरिकी लैलाको ‘नाइट क्रलिङ’ उपन्यास यो सूचीमा परेको छ । उनी जम्माजम्मी २० वर्षकी छन् ।

यस वर्षको बुकर सूचीमा तीन बेलायती, पाँच अमेरिकी, दुई आइरिस, एक श्रीलंकाली र एक जिम्बाबेली लेखक सूचीकृत भएका छन् ।

यस वर्ष १६९ वटा उपन्यास प्रतियोगिताका लागि भाग लिएका थिए । लामो सूचीमा १३ वटा पुस्तक राखिएका छन् ।

पुरस्कारको छोटो सूची सेप्टेम्बर ६ मा जारी हुनेछ भने अक्टोबर १७ मा ५० हजार पाउन्ड राशिको पुरस्कार घोषणा गरिनेछ । बुकर पुरस्कार प्राप्त गर्ने पुस्तक रातारात बेस्ट सेलर हुने गरेको छ ।

sagarmani mobile size

लामो सूचीमा पाँच पुरुष र आठ महिला परेका छन् । यसअघि जिम्बाबेकी नोभिओलेट बुलावेयो, अमेरिकाकी करेन जे फोलर र स्कटल्यान्डकी ग्रेमी मेक्रे बर्नेट यो सूचीमा परिसकेका लेखक हुन् ।

पहिलो उपन्यासमा नै सूचीमा पर्न सफल लेखकहरुमा मोटली, बेलायती म्याडी मार्टिमर र अमेरिकाकी सेल्बी वेन स्वार्ज रहेका छन् ।

सबैभन्दा वृद्ध लेखक एलेन गार्नर यो सूचीमा पर्नु दुर्लभ अवसर मानिएको छ । सन् १९६० को दशकमा उपन्यास लेख्न थालेका उनको पछिल्लो उपन्यास बाल साहित्यको सबैभन्दा राम्रो पुस्तकको सूचीमा जताततै पर्ने गरेको थियो । उनको पुस्तक यो सूचीमा पर्नुलाई बुकर पुरस्कारका छनोटकर्ताहरुले उनको अद्भुत लेखनीको नमुना भएकाले यता नामांकनमा परेको प्रतिक्रिया दिएका छन् ।

१६० पृष्ठको सो पुस्तक लेख्न गार्नरलाई आठ वर्षभन्दा बढी समय लागेको एउटा अन्तरवार्तामा बताएका थिए । ८७ वर्षको उमेर छुनुअघि यो कथा पूरा नगरी मरुँला भन्ने आफूलाई ठूलो तनाव रहेको रेडियो टाइम्स अखबारलाई प्रतिक्रिया दिँदै भनेका थिए ।

बुकरको लामो सूची
नोभायोलेट बुलावायो (जिम्बावे)ः ग्लोरी
हर्नान डियाज (अमेरिका)ः ट्रस्ट
पर्सिभल एभरेट (अमेरिका)ः द ट्रिज
करेन जोय फोलर (अमेरिका)ः बुथ
एलेन गार्नर (बेलायत)ः ट्रिकल वाकर
सेहान करुनाटिका (श्रीलंका)ः द सेभेन मुन्स अफ माली एमेल्डा
क्लेयर किगन (आयरल्यान्ड)ः स्मल थिंग्स लाइक दिज
ग्रेमी माक्री बर्नेट (बेलायत)ः केस स्टडी
एड्री म्यागी (आयरल्यान्ड)ः द कोलोनी
म्याडी मार्टिमर (बेलायत)ः म्याप्स अफ आवर स्प्याक्टकुलर बडिज्
लैला मोटली (अमेरिका)ः नाइटक्रलिङ
सेल्बी वाइन स्वार्ज (अमेरिका)ः आफ्टर साफो
एलिजाबेथ स्ट्राउट (अमेरिका)ः ओह, विलियम !

लेखक परिचय

The Times is a British daily national newspaper based in London. It began in 1785 under the title The Daily Universal Register, adopting its current name on 1 January 1788. The Times and its sister paper The Sunday Times (founded in 1821) are published by Times Newspapers, since 1981 a subsidiary of News UK, in turn wholly owned by News Corp. The Times and The Sunday Times, which do not share editorial staff, were founded independently, and have only had common ownership since 1966.

प्रतिक्रिया
Loading...