साहित्यपोस्ट
नेपाली भाषा र साहित्यको सम्पूर्ण पत्रिका

६ महिनामा साढे ६ करोड डलर बढी बिक्री हुने ग्राफिक उपन्यास

Chovar Blues Mobile Size

२७ वर्षीया एलिस ओसम्यानले लेखेको हर्टस्टपर नामक ग्राफिक उपन्यासले बजारमा आएको ६ महिनाभित्रै एलिसलाई साढे ६ करोड डलर कमाएर दिएको छ ।

यति छोटो अवधिमा यति धेरै कमाउने लेखिकामध्ये उनी पनि परेकी छन् । खासगरी यो विधामा त उनी दोस्री नायिका बन्न पुगेकी छन् ।

उनलाई द ग्रुफेलो उपन्यासकी लेखिका जुलिया डोनाल्डसनको उपन्यास जब नेटफ्लिक्समा आउन थाल्यो, ग्रुफेलो उपन्यासले मात्र वर्षभरिमा डेढ करोड डलर बराबरको व्यापार गरेको थियो । त्यसैले एलिसले वर्षभरिमा कमाईको यो कीर्तिमानलाई जारी राखिन् भने जुलियालाई जित्ने सम्भावना रहेको पुस्तक व्यापार हेर्ने नेल्सन बुकस्क्यान डाटाले जनाएको छ ।

त्यसो त डोनाल्डसनको ग्रुफेलो पहिले पनि बजारमा आउँदा निकै राम्रो व्यापार गरेको थियो । अहिले नेटफ्लिक्स शृंखलाका कारण उनको व्यापार बढेको हो । पहिले पनि उत्तिकै रूचाइएको सो उपन्यासले हालसम्म २०० मिलियन पाउन्डको व्यापार गरिसकेको छ । यसलाई जित्ने एउटै मात्र जेके रोलिङको ह्यारी पोटर शृंखला रहेको द टाइम्स पत्रिकाले जनाएको छ ।

एलिसको हर्ट स्टपर गएको अप्रिल महिनामा नेटफ्लिक्समा रिलिज भएको थियो । यो शृंखला अहिले संसारका ५४ देशमा उत्कृष्ट १० शृंखलाका रूपमा सूचीमा परेको छ ।

sagarmani mobile size

हर्टस्टपर यति साह्रो रूचाइएपछि लेखिकाले यसको कथानक किशोरी छँदा नै दिमागमा खेल्ने गरेको बताएकी छन् । एलिसले पहिलो उपन्यास सोलिटेयर स्कुल पढ्दा नै लेखिसकेकी थिइन् ।

किशोर किशोरीले कहिले पनि आफूलाई सानो महसुस नगर्ने र सोही अनुभवका साथ पुस्तक लेख्ने गरेको बताइन् । त्यही कुरा पाठकले रूचाएको हुनसक्ने उनको धारणा छ ।

सन् २०१४ ताका उनी १९ वर्षकी छँदा नै कलेज पढ्दै गर्दा दुई वटा पुस्तक लेख्ने जिम्मेवारी प्रकाशकले दिइसकेका थिए । किशोरी लेखिकाले त्यो बेला नै १ लाख पाउन्ड रकम पाउनु कीर्तिमानी कुरा थियो ।

दुई वर्षपछि उनले हर्टस्टोपरलाई श्यामश्वेत वेबकमिकका रूपमा विकसित गरेकी थिइन् । पछि सोही कमिकलाई स्वयं प्रकाशक भएर छाप्नका लागि क्राउडफन्डिङ गरेकी थिइन् । उनको लक्ष्य जम्मा दुई घण्टामा नै पूरा भएको थियो । प्रथम संस्करण पूरै बिक्री भएपछि ह्याचेट पब्लिसिङ कम्पनी र नेटफ्लिक्सले उनको वेबकमिकलाई प्रकाशन तथा शृंखला बनाउनेबारे कुरा थालेका थिए ।

सन् २०२२ पुस्तक प्रकाशनका दृष्टिमा बेलायतमा यस पटक राम्रो व्यापार भएको बुकस्क्यानले जनाएको छ । ६ महिनाको व्यापार मात्र ७६७ मिलियन पाउन्डको व्यापार भएको छ । जसमध्ये बालबालिकाका पुस्तकहरूको बिक्री १८७ पाउन्डको भएको छ । खबरअनुसार, बालबालिकाको पुस्तक यति धेरै रकमको यसै पटक बिक्री भएको हो ।

लेखक परिचय

The Times is a British daily national newspaper based in London. It began in 1785 under the title The Daily Universal Register, adopting its current name on 1 January 1788. The Times and its sister paper The Sunday Times (founded in 1821) are published by Times Newspapers, since 1981 a subsidiary of News UK, in turn wholly owned by News Corp. The Times and The Sunday Times, which do not share editorial staff, were founded independently, and have only had common ownership since 1966.

प्रतिक्रिया
Loading...