ओखल्ढुङ्गामा जन्मनु भएका नारायण गिरी इतिहास, राजनीतिशास्त्र, नेपाली इतिहास, संस्कृति र पुरातत्त्वशास्त्र; सार्वजनिक प्रशासन गरी चार विषयमा त्रिभुवन विश्वविद्यालयबाट स्नातकोत्तर हुनुहुन्छ । उहाँ दर्शन, इतिहास, संस्कृति तथा अन्य विषयमा अध्ययन-अनुसन्धान, लेखन र अनुवादको कार्यमा लामो समयदेखि संलग्न हुनुहुन्छ । गिरीका दुई दर्जनभन्दा बढी अनूदित पुस्तकहरू प्रकाशित छन् । तीमध्ये भलेरी अलेक्सेयेभको 'मानव जातिको उत्पत्ति', एच.जी. वेल्सको 'विश्व इतिहास', राहुल सांकृत्यायनको 'विश्वको रूपरेखा', टी.एस. कुनको 'वैज्ञानिक सिद्धान्तको विकास प्रक्रिया', कार्ल मार्क्सको 'दर्शनको दरिद्रता', पाउलो फ्रेरेको 'उत्पीडितहरूको शिक्षाशास्त्र', लुइस हेनरी मोर्गनको 'प्राचीन समाज', क्रिस हर्मनको 'विश्वको जन‑इतिहास' प्रमुख छन् । उहाँले थुप्रै पुस्तकमा सहअनुवादकका रूपमा काम पनि गर्नु भएको छ ।