डा. नवराज सुब्बा एक जनस्वास्थ्य विज्ञ, अनुसन्धाता तथा साहित्यकार हुनुहुन्छ । उहाँ अनुसन्धान र लेखनमा रुचि राख्नुहुन्छ । उहाँले जनस्वास्थ्य र इतिहास संस्कृतिमा अनुसन्धानात्मक लेख र पुस्तक लेख्नु भएको छ । उहाँले साहित्य क्षेत्रमा पनि कविता, गीत र निबन्ध सङ्ग्रह प्रकाशित गरिसक्नु भएको छ । उहाँका गीति एलबम तथा भिडियो पनि बजारमा आएका छन् ।

उहाँका हालसम्म प्रकाशित कृतिहरूमा गीत सङ्ग्रह मन र माटो, सहिदलाई सलाम, जोखनामा वर्तमान (कविता सङ्ग्रह), मनको मझेरी (निबन्ध सङ्ग्रह), जीवन मेरो शब्दकोश (कविता सङ्ग्रह), तुङढुङ्गे मुन्धुम समीक्षा रहेका छन् ।

उहाँका केही कृति अङ्ग्रेजीमा अनुवादसमेत भएका छन् ।