काठमाडौँ / द ब्रिटिस कलेजले इन्टर कलेज बास्केटबल टुर्नामेन्ट आयोजना गर्न भएको छ । बास्केटबल टुर्नामेन्ट यही २६ फेब्रुअरीबाट हुनेछ । टिबिसी स्पोर्ट्स क्लबद्वारा आयोजना हुने यस टुर्नामेन्टमा १६ कलेजका टिमहरूबीच प्रतिस्पर्धा हुनेछ ।

ब्रिटिस कलेजले दिएको जानकारीअनुसार विजेता टोलीले ५० हजार नगद पुरस्कार प्राप्त गर्नेछ भने उपविजेताले २५ हजार प्राप्त गर्नेछ ।

ब्रिटिस कलेजकै बास्केटबल कोर्टमा हुने खेल लगि कम नकआउट फर्म्याटमा खेलाइनेछ । उक्त प्रतिस्पर्धामा स्नातकमा अध्ययनरत विद्यार्थीहरूले मात्र सहभागिता जनाउन पाउने छन् भने राष्ट्रिय तथा अन्तर्राष्ट्रिय प्रतिस्पर्धामा सहभागी भएका विद्यार्थीले भने खेल्न पाउने छैनन् । बास्केटबल टुर्नामेन्टमा सहभागी हुनका लागि १० हजार दर्ता शुल्क लाग्ने बताइएको छ ।

दर्ता गर्ने अन्तिम समय २२ फेब्रुअरी रहेको बताइएको छ । थप जानकारीका लागि टिबिसी स्पोर्ट्स संयोजक कविचन्द्र राईलाई tbacsports@thebritishcollege.edu.np मा सम्पर्क गर्न सकिने बताइएको छ ।