माछापुच्छ्रे बैंक लि.ले सडक सुरक्षालाई मध्यनजर गर्दै महानगरीय प्रहरी वृत्त लैनचौरलाई तीन ओटा रोड ब्यारिगेट हस्तान्तरण गरेको छ । महानगरीय प्रहरी बृत्त लैनचौरले आयोजना गरेको एक कार्यक्रममा माछापुच्छ्रे बैंकका बाग्मती प्रदेश प्रमुख निरजमान सैँजुले उक्त रोड ब्यारिगेट हस्तान्तरण गर्नु भएको थियो ।

साथै सोही कार्यक्रममा महानगरीय प्रहरी वृत्त लैनचौर सोहृखुट्टेका प्रमुख प्रहरी नायव उपरीक्षक दुर्गा प्रसाद खनालको पनि उपस्थिति रहेको थियो । बढ्दो सडक दुर्घटना र सडकमा हुने विभिन्न प्रर्दशनलाई मध्यनजर गर्दै सर्वसाधरणको सुरक्षाको लागि सडक ब्यारिगेट हस्तान्तरण गरेको हो ।

माछापुच्छ्रे बैंक लिमिटेडले पूर्वमा झापादेखि पश्चिममा कन्चनपुर साथै हिमालदेखि पहाड र तराई गरी सातै प्रदेशमा आफ्ना १६३ बटा शाखाहरु र १५७ शाखारहित बैकिङ्ग सेवा, ६ एक्सटेन्सन काउण्टर समेत गरी जम्मा ३२६ स्थानबाट १० लाख भन्दा बढी ग्राहकलाई बैंकिङ् सुविधा प्रदान गरिरहेको छ । साथै, बैंकको देशभर २०० वटा एटीएम संचालनमा रहेको छन् ।