साहित्यपोस्ट
नेपाली भाषा र साहित्यको सम्पूर्ण पत्रिका

लघुकथाः भाषिका

ढाकामोहन बराल

करिब दश दिनको लामो बिदापछि उनीहरू आफ्नो काममा फर्कँदै छन् । हुन त स्वास्थ्यजस्तो संवेदनशील क्षेत्रमा काम गर्ने  ठाउँमा लामो बिदा नपाउनु पर्ने हो तर उनीहरू लगनशील र कामप्रति अति बफादार भएको कारण अस्पताल प्रशासनले लामो बिदा स्वीकृत गरेको थियो । प्रतापपुर, नवलपरासीकी शर्मिला थनेत र देउडाकला, बर्दियाको लल्लन चौधरीको भेट यही नेपालगञ्ज अस्पतालमा भएको हो । उनीहरू दुवैको जीवनमा पोखरा विश्वविद्यालयको महत्त्वपूर्ण स्थान रहेको छ । विपन्न र पिछिडिएका समुदायलाई उच्चशिक्षामा पहुँच पुर्याउने सरकारको नीति अनुसार वैज्ञानिक र पारदर्शी रूपमा पोखरा विश्वविद्यालयबाट प्रदान गरिएको छात्रवृतिबाट थारू समुदायबाट आएका दुवैले लाभ हासिल गरेका छन् । चार दाजुभाइलाई घरको काम धन्दाबाट पढाइमा फुर्सद नमिले पनि एउटी बहिनीको  पढाइमा भने ध्यान दिएको हुन थनेत परिवारले । लल्लनलाई पनि अर्काको खेत जोत्नै पर्दथ्यो  कपी किताबको जोहो गर्न । वि.एससी. नर्सिङ गरेकी शमिैला र वि.एससी.एम.एल.टी. गरेको  लल्लनको भेट कामको सिलसिलामा यहीँ भएको हो । उनीहरूको भेटलाई समयले प्रेम र विवाहमा बदलिदियो । उनीहरू दवै आफ्नो आफ्नो भाषा र संस्कृतिलाई निकै माया गर्ने हुन तर पनि कामको सिलसिलामा व्यस्त भएर थारू समुदायभित्र बोलिने  भाषिकाको बारेमा ध्यान दिएनन् । विवाह भएको पहिलो वर्षको माघीमा  उनीहरू लामो बिदा मिलाएर पहिला देउडाकला र पछि प्रतापपुर गए । जहाँ गए पनि उनीहरू दुवैलाई आफ्ना आफ्ना  अभिभावकको एउटै प्रश्न हुन्थ्यो, “के तिमीले साच्चै थारूसँगै विवाह गरेको हो ?”

bahulako diary small and inside post
लेखक परिचय
ढब
ढाकामोहन बराल
प्रतिक्रिया
Loading...