“के एक्लै  बोलिरहेको काइँला !” मास्टरजीले सोधे ।

“के हुनु मास्टरजी ! मुसाले दिक्क लगाए । धान जति सबै दुलातिर लगेछन्,” खमार छेउछाउका दुलाहरु खन्दै  मुसा  र धान सँगसँगै  निकालिरहेको काइलाले भन्यो ।

मास्टरजी केही बोलेनन् ।

“के सोच्दै हुनुहुन्छ  मास्टरजी ? चूप लाग्नुभयो नि !” काइलाले भन्यो ।

निराश हुँदै  मास्टरजीले भने, “काइँला ! तैले  मुसा र धान  दुलाबाट  निकाले झैं सिंहदरबारका गनाउने  मुसाहरूलाई धान सहित निकाल्न पाए कति जाती हुन्थ्यो !”